Svart-hvítt I Skotið í Fókus árið 2026

Ljósmyndasafn

Í ár eru 200 ár síðan fyrsta varanlega ljósmyndin var tekin (árið 1826) af franska uppfinningamanninum Nicéphore Niépce með tinplötu húðaðri með tegund af náttúrulegu asfalti uppleystu í lavenderolíu.  

Á áratugunum sem fylgdu þar á eftir prófuðu brautryðjendur ljósmyndunar mismunandi aðferðir til að gera svart-hvítar myndir og betrumbættu ferlið. Með nýrri tækni Daguerre 1839 tekur ljósmyndun svo flugið en við það ár er upphaf ljósmyndunar oftast miðað.

Þrátt fyrir tilkomu litljósmyndunar um miðja 20. öld var svart-hvít ljósmyndun áfram notuð af mörgum ljósmyndurum vegna listrænnar hæfni hennar.
Svart-hvít ljósmyndun er sérstök að því leyti að hún beinir sjónum að formum, áferð, ljósi og skuggum í stað lita. Með því að fjarlægja truflandi litbrigðin breytir hún bókstaflegri senu í listræna túlkun, bætir við tímalausum tilfinningum, djúpri dramatík og öflugri fókustilfinningu fyrir viðfangsefninu.




Sýnendur eru:

- Anna Soffía Óskarsdóttir
- Elín Laxdal
- Flóki Dagsson 
- Guðmunda Kristín Guðmundsdóttir
- Jóhanna Esjudóttir
- Regína Rist
- Þóra Halldóra Björgvinsdóttir



Sýningarnar verða alls sjö með mismunandi þemu. Sýnendur verða fjörutíu og sjö talsins og hver sýning stendur yfir í sex vikur. Félagsmönnum var send skoðanakönnun þar sem þeir gátu tilgreint hvernig þemu þeir vildu sjá á sýningunum og fengu eftirtalin þemu flest atkvæði:

- **Hreyfing**  9. janúar – 22. febrúar
- **Landslag** 27. febrúar – 12. apríl
- **Vetrarmyndir** 17. apríl – 31. maí
- **Abstrakt** 5. júní – 19. júlí
- **Götumyndir** 24. júlí – 13. september
- **Svart-hvítt** 18. september – 1. nóvember
- **Vatn** 6. nóvember – 31. desember





Félagar sem taka þátt í þessum sýningum eru margir hverjir búnir að vera í félaginu lengi, aðrir eru að taka sín fyrstu skref í sýningarhaldi. Ástríða fyrir ljósmyndun er grunnur félagsmanna. Allmargir félagsmanna hafa sótt sér menntun í ljósmyndun á námskeiðum hér heima og/eða erlendis. Einstaka félagsmenn eru nemendur í Ljósmyndaskóla Íslands og aðrir fullnuma ljósmyndarar frá Tækniskólanum.




Fókus er félag áhugaljósmyndara á höfuðborgarsvæðinu sem stofnað var árið 1999. Það er frábær vettvangur fyrir fólk sem vill þróa ljósmyndafærni sína og hæfileika. 

[Hér](https://fokusfelag.is/) er hægt að kynna sér starfsemi félagsins.

Svart-hvítt I Skotið í Fókus árið 2026

"Svart-hvítt" nefnist sjötta sýning félaga úr Fókus – Félagi áhugaljósmyndara sem mun taka yfir sýningarrýmið SKOTIÐ í Ljósmyndasafni Reykjavíkur.